වැදගත්ම, ‘ණන -ළල’..!

අගින් පිණි බිඳ
වැටෙන්නට පෙර
‘ණන’ ලිහා ගත යුතුය
පින්වත...


(2017 මාර්තු)

ගී ලොවේ sweetest ම gorgeous ය

විසිතුරු ම
අදහස් ය
simple ම
පද වැල් ය

මනලොල් ය
මනකල් ය
amazing
තනු වැල් ය

වචන හා
තනු අතර
sweetest ම
ගැයුමක් ය

simply ඈ
amazing
sweetest ම
gorgeous ය



(2017 මාර්තු)

වෙඩිතබනු..!

පණිවිඩය ගෙනඑන්න
ශෝභන දැකුම්කළු සුදු පරවියෙක් නැති තැන
හාමතේ එම පණිවිඩය ගෙන එන
දහඩිය කඳුළු සහ 
මඩ දුහුවිලි මෙන්ම
ලේ පැල්ලම් ද  තැවරුණු 
අශෝභන ගඳගහන පණිවිඩකරුට
නිදහසට කරුණු නොඅසා ම
මියයනු පිණිස
නොවලහා වෙඩි තැබිය යුතුය..!



(2017 මාර්තු)

භයානක ගොබ්බයෝ

සීතාම්බර සළුවෙන්
       හෙළුව වසති යි සිතා
සීරුවට අඩි තබා
       තේජසින් වැඩමවන
රජුන්ගේ හෙළුව දැක
       මහ හඬින් හූ කියන
කොල්ලාට ගල් ගසන
      භයානක ගොබ්බයෝ..!




(2017 මාර්තු)

වැනසෙනු පිණිස

දියමන්ති මාලිගා යැයි සිතාගෙන
       විදුරු ගෙවල් උරුමකරගෙන...
අනුන්ගේ මැටි අතු පැල් වලට
       ගල් මුල් විසිකරන...
වැනසීමෙන් ම සැනසෙන්න දඟලා
       සැනසීමෙන් ම වැනසෙන...
කුහක මිනිස්සු...



(2017 මාර්තු)

කළු-සුදු වෙනුවට අළු

සාමයේ පණිවිඩය ගෙනෙන
කිරි සුදු පරවියන්ගේ ඇස්
ලේ රතු පාට බව
ඔබ දන්නවද?

අහිංසක පුළුං කැටි
හාවුන්ගේ චූටි ඇස්
රතුම රතු පාට බව
ඔබ දන්නව නෙවෙද?


(2017 මාර්තු)

කතෘ කල වරද

විරහය ම රසය වූ කවි පොතක
වැරදිලා තෝරාපු
අදාළ ම නැති
එකම එක ලස්සන කවිය
එය විය.


(2017 මාර්තු)