දඬුමොනරේ

රාහු කාලෙ ගලෝලා

කොට්ට ලීයෙන් තැනූ F-22 දඬු-මොණරයක්

     නැකත් එහෙම බලාලා

පුළුං ලීය තියාලා

     තිත්ත වැලෙන් බැඳාලා

ඉරට කෑලි ගසාලා

     ඇණ කොහොල්ලැ අලෝලා

තාක්සනේ දමාලා

     හැදුවෙ මේක මලෝලා

~ ~ ~ ~ ~ ~ ~ ~

 ~ ~ ~ ~ ~ ~ ~

හැදුවා මම යන්තරේ

     මේ උඹලගේ දඬුමොනරේ

ජෙට්-ඇන්ජින්-රොකට් තියා

     මගුලක්වත් නෑ මේකේ

තෙලකට කියලා දැම්මෙත්

     සුරේ ඇතුලෙ බිංදු දෙකයි!

එත් ඉතිං මැජික් බලෙන්

     යනව මේක ආකාසේ

~ ~ ~ ~ ~ ~ ~ ~

 ~ ~ ~ ~ ~ ~ ~

කොන්ඩ බැඳන් බලාපියව්

     කෙළ හල-හල අසාපියව්

තළු මර මර කියෝපියව්
     හූ මිටි හෙම තියාපියව්
උඩ යන හැටි මන්තරෙන් කතන්දරේ

     අන්දරේගෙ මරුම-මරු කතන්දරේ

(2018 දෙසැම්බර්)