බල්ලෝ

බී. බල්ලා :

බී.ඒ. (බල්ලෝ)

කිණිතුල්ලන් පිරි කන් ද

තැන තැන ලොම් ගිය කොන්ද

හොරි වණ ඕජස් ගන්ඳ

කටුවගෙ හැටි එහෙමයි...

ඒ. බල්ලා :

වල් බල්ලන් එළවීම

ඉන්න සතා නෑවීම

කූඩුව සුද්ද කිරීම

හරි පිං කං...

(2018 දෙසැම්බර්)

අපි 2019 ට රබන් ගසමු

ටක්ක ටකක් ටක ... ටක්ක ටකක් ටක

ටක්ක ටකක් ටක ... ටක්ක ටකක් ටක

දෙන්නං රබාන පැලෙන්න...!

account එක check කලත් වැඩක් නැත

එකෙ balance එක minus වී ඇත

උකසට තියන්න වත් විදිහක් නැත

ගේ හරියක සත පහක දෙයක් නැත...

ටක්ක ටකක් ටක ...

credit card එක ගහන ගහන තැන

transactions decline වී යත

overdraft එකෙ ඩිංගිත්තක් ඇත

'සුටුස්' ගාන කොට ඉවර වෙලා යත...

ටක්ක ටකක් ටක ...

බැංකු හත අටක lone ගසා ඇත

හතර වටේටම රෝල් ගසා ඇත

රටකට පෙන්නන පෙට්ටගමක් ඇත

පෙට්ටගමෙත් තුට්ටුවක දෙයක් නැත...

ටක්ක ටකක් ටක ...

income ඔක්කොම අබිලික් වී ඇත

economy crisis කම්බස් වී ඇත
balance කරගන්න වෙන විදිහක් නැත
සක්කරයත් 'තක්-බීර්' වෙලා ඇත...

ටක්ක ටකක් ටක ...

(2018 දෙසැම්බර්)

හුටංපාල ජාතකය

බැරි-බර උස්සන් යෑම

ඕනැ ගහක බඩ ගෑම

කුලී වැඩත් කරදීම

හුටාගෙ රස්සාවක්...

බත්පතකට කැඹිරීම

දවල්ට ගංජ ගැසීම

අගු-පිල් වල බුදියෑම

හුටාගෙ චරියාවක්...

අරක්කු කසිප්පු සේම

බුලත් විටක් හෙම කෑම

සිගරට් සුරුට්ටු බීම

හුටාට හරි අරහං...

            හුටා මෙහෙම දැහැමින් සෙමෙන් කාලය ගතකලා. ඔන්න එක රෑක හුටා තමන්ගේ හිඟන මිතුරු මිතුරියන් එක්ක පරණ නගරසභා ගොඩනැගිල්ලෙ ඉස්තොප්පුවේ නිදාගත්තා. පහුවදා උදේ අවදිවුනේ කාකි ඇඳුම් ඇඳගත්තු යාළු මහත්තෙක්ගේ පා පහරකින්. කවුදෝ එදා රෑ එතැන නිදාගත්ත කෙනෙක්ව මරාදාල ලු. මහ දවල් වෙනකං ඉවක් බවක් නැතිව මළකුණක් ළඟ නිදාගත්ත හින්ද හුටාව මිනීමැරීමට වැරදිකරුම කරල බන්ධනාගාර ගතකලා.  

කාකි බල්ලො ඉවලෑම

මිනිහෙක් මැරුවැයි කීම

බොරු නඩුවක පැටලීම

පරණ පවක්...

            හුටා පත්වෙලා තිබුණු ඉරණම පස්සෙ කාලෙදි කාකි මහත්තුරුන්ට තේරුම් ගියත්, මේකට සම්බන්ධ  කවුරුවත් හුටා ගැන තැකීමක් කළේ නෑ.  පස්සෙ කාලෙකදි දරුණු ලෙස රෝගාතුර වුනු හුටා  හරියාකාර ප්‍රතිකාරයක් නැතිව රෝගය උත්සන්න වීමෙන් සිරමැදිරියක් තුලම මියගියා.

සක්කිළි* වී ඉපදීම

උපතින් මොඩය වීම

හව්හරණක් නැති වීම

දරුණු දුකක්...

*සක්කිළි = Chakkiliyar, a groups of historically disadvantaged people in/from India.

(2018 දෙසැම්බර්)

කාලගෝල

ඉතිං බාල කාලගෝල

දික්තලාට බෝ මනාප

ඇවටිලි රැවටිලි කලාට

වෙන්නෙ නැතිද ඈ මනාප..?

හිත ගිය තැන මාළිගාව

හදා ගත්තෙ ඈට ඕන

තමුන් කැමති හිමි ලැබීම

එක නේද ඇගෙ නිදහස..?

හිත් මනාප ආල-රාග

ගන්න බෑනෙ බල කලාට

පඬිතැන නඩු විසඳුවාට

සාදාරණ වේද ඈට..?

(2018 දෙසැම්බර්)

ප්‍රජාතන්ත්‍රවාදය යනු කුමක්ද?

ගමයා ගියේ හේනට රැකලා              එන්න

දුටුවේ වලිග කොටයකි  දෙබලෙන් පැන්න

කොටියා කාවි හිතිලා මුත්තර          පැන්න

ගැම්මට ඇදලා ඇල්ලුව වලිගෙන්     ඔන්න

කොටියා ඒ පැත්තෙ ගමයා මේ      පැත්තේ

සියඹලා ගස් දෙකකි ඒ අතරෙන්     ඇත්තේ

සංතෑසියෙන් කොටියට මළ-පැන   ඇත්තේ

අතහැර යන්න බෑ ගමයට          මේමත්තේ

අපිලාවමව අපිලා පාලන             කොරණ

ප්‍රජාතන්ත්‍රවාදය බොරුවක් ය            හෙන

සුද්දා මොළේ බැස්සූ නැව් සයිස්         ඇණ

දෙකතුනකින් එකක් මේ මට       මතක්වුන

ප්‍රජාතන්ත්‍රවාදය ඉතා හොඳය කියා අප සිතන්නේ, එසේ සිතන්නට උගන්වා ඇති සමාජයක අප උපත ලද නිසාය.

(2018 දෙසැම්බර්)

ඡන්දය

දිව්වොත් කොටියා පන්නන් විත් අල්ලනවා

හිටියොත් සතා එක කටකට මං       කනවා

කොයිඑක කලත් මං නන්නත්තර   වෙනවා

දැම්මත් නොදැම්මත් යනවුන්   ගොඩයනවා

'ඔබේ-වටිනා-ඡන්දය', නොවටිනා මිත්‍යාවකි!

(2018 දෙසැම්බර්)

නොස්ටැල්ජියන් කම්පන

රුක්අත්තනත් තණ මුදුනේ         දළුළා ය

අරලිය රොබරෝසියා   රන්මල් හැලිලා ය

තෙත තණ මතට මුතුකැට පිණි  ඇලිලා ය

ලා හිරු රැසින් මේ හැම ඔප        වැටිලා ය

- යන්තම් හිරු නැගී එනවිට, පේරාදෙණිය සරසවියේ සනාතන මන්දිරය අවට.

(2018 දෙසැම්බර්)

දඬුමොනරේ

රාහු කාලෙ ගලෝලා

කොට්ට ලීයෙන් තැනූ F-22 දඬු-මොණරයක්

     නැකත් එහෙම බලාලා

පුළුං ලීය තියාලා

     තිත්ත වැලෙන් බැඳාලා

ඉරට කෑලි ගසාලා

     ඇණ කොහොල්ලැ අලෝලා

තාක්සනේ දමාලා

     හැදුවෙ මේක මලෝලා

~ ~ ~ ~ ~ ~ ~ ~

 ~ ~ ~ ~ ~ ~ ~

හැදුවා මම යන්තරේ

     මේ උඹලගේ දඬුමොනරේ

ජෙට්-ඇන්ජින්-රොකට් තියා

     මගුලක්වත් නෑ මේකේ

තෙලකට කියලා දැම්මෙත්

     සුරේ ඇතුලෙ බිංදු දෙකයි!

එත් ඉතිං මැජික් බලෙන්

     යනව මේක ආකාසේ

~ ~ ~ ~ ~ ~ ~ ~

 ~ ~ ~ ~ ~ ~ ~

කොන්ඩ බැඳන් බලාපියව්

     කෙළ හල-හල අසාපියව්

තළු මර මර කියෝපියව්
     හූ මිටි හෙම තියාපියව්
උඩ යන හැටි මන්තරෙන් කතන්දරේ

     අන්දරේගෙ මරුම-මරු කතන්දරේ

(2018 දෙසැම්බර්)

අලිමන්තර

තේරුම් නැති වචන තැන තැන පටවාලා

පට්ටම පරණ උපමා-උපමේ           දාලා

යෙදුම්-පොරටෝක් ගැප් වල රින්ගෝලා

සමහරු ලියයි මරු කව්-ගී ඩම්         දාලා

ඒ මදිවාට සමහරු ලිව් පොත්          ඒම

තේරුම්ගන්න කතුවරු අමුණල       ඕන

හෙණ-ගැහුවා වගේ වෙන්නැති  කිව්වාම

කට-කහනවා, නොකියත් බෑ පෙනුණාම

(2018 නොවැම්බර්)

FB posts

FB ෆොටෝ posts...

නපුංසක ජිවිතේ
හතරවිළි වහගන්න
අමුඩයේ හතරකොණ,
මෙන්න මේ ෆොටෝඑක!
lick it!
lick it!!



FB status updates...

අප්ඩේට් කොරපුවම
මුංගෙ ගොංකං පෙනෙන
කැත!
lick it!
lick it!!


(2018 නොවැම්බර්)

සංතෑසියක් අපෙ අප්පච්චියෙ වෙච්චී..!

අදනං මුළාදෑනිය මට                      හමුවෙච්චී

මං ගිය කාරණේ ටක්කෙට         ගොණුවෙච්චී

අස්සන මොණර-කොලයක් මට       මිළවෙච්චී

අවුරුදු දෙක-තුනක දුක               අහවරවෙච්චී

පෙර පිං මිටක් දුප්පත් මට               කැරකිච්චී

සංතෝසෙටම කලබලයක්            නැතිවෙච්චී

මටහමුවුනත් කරු-මස්සින             වෙරිවේච්චී

ගත්තේ උළුඳු වඩ උඹලට              උණුවෙච්චී

දිව්වේ නැතත් තිව්වේ නෑ අඩි                   පුංචී

ඒ කොයිවෙතත් බස්එක නං              වැරදිච්චී

අන්තිම එකත් අද කරුමෙට          නැතිවෙච්චී

ඊයෙත් තිබුනෙ නෑ කියලයි                  ආරංචී

මොකටද දෙන්නෙ තුට්ටුව මගෙ      අතවෙච්චී

එහෙමයි හිතල තනියම                පාරටවෙච්චී

බස්සෙක් දෙකෙක් අඬ-අඬ      පස්සෙන්වෙච්චී

අඩමානයට හිත ඩිංගක්                  බයවෙච්චී

වෙනදට පායනා හඳ අද                ගෙටවෙච්චී

තරුකැට වෑහෙනා අහසත්             බෙරිවෙච්චී

මෝසං වැස්ස අද හරහට                 පළිවෙච්චී

හුළඟත් එක්ක වැස්සට මා           කොටුවෙච්චී

තෙමුනොත් කියල කරදහි ටික           වේලිච්චී

මං නැවතුනා කඩයක අල්ලක්                  පුංචී

බඩගින්දරට ඇවිලුන බඩවැල්                 පිච්චී

වියදම්කෙරුවෙ නෑ මගෙ රුපියල්           පිච්චී

වැස්ස තුරල් වෙනකොට රෑ             මැදවෙච්චී

හඳ අද නැතත් තරු වියමන                 පෑදිච්චී

කණමැදිරියන් ලන්තෑරුම්                එල්ලිච්චී

කරනං ගැහුව අකුළක              කරුවලවෙච්චී

උඹලා රෑන මගෙ මතකෙට          ගොඩවෙච්චී

පැටවුන් මැද හංස-කිකිළිය උඹ             වෙච්චී

මට උණුසුම-සිසිල-සැනසුම                 පෑදිච්චී

අපිවම  රකින අම්මා උඹ                 බුදුවෙච්චී

මතකෙට ආව රතු-මාමව               නැතිවෙච්චී

හෙවනැල්ලක් වගෙත් වැටෙනවා       තේරිච්චී

ඩස්-ඩස් ගාල වැදුන පපුවට හෙණ             පුංචී

පණයයි!, කියල හිතුනෙ විදියට        බයවෙච්චී

පින්නට අහුවෙලා පීනස                වැඩිවෙච්චී

අප්පච්චියේ ඇවිදලා මට                 හතිවෙච්චී

ගේ පැල්කොටේ දුටුවම එළියක්            වෙච්චී

දෙව්ලොව සැපත මට ලැබුණා       වගෙවෙච්චී

පෙරමඟ බලා උඹේ ඇස්දෙක          රතුවෙච්චී

නොක්කඩුවෙලා වගෙ දුටුවම         සැරවෙච්චී

කොයිහැටි වෙතත් මේ හැටියට         වදවෙච්චී

සාගරෙ වාගෙ උඹ මගෙ               සුදු-අප්පච්චී

(2018 ඔක්තෝබර්)

බොර විසිරි සිරි

වැහි නැතිදාට නළියන සුළුදිය         කඳුරූ

වැහි ඇතිදාට අහසම කරගෙන         අඳුරූ

දෙගොඩ පෙලා දිවගොස් ගොරවන් රුදුරූ

හෙලකින් වැටී නංවයි සුදු දුම්         රුසිරූ

(2018 ඔක්තෝබර්)

i ඩින්ටිටිය

එළඹෙන තැනම හංදියෙ ඔරලෝසු     ඉඳු

හයි-ටෙන්ෂන්-ටවර් සෙවනේ සුදු    මුණිඳු

ටවුම වටකරන් නිල්ලට නැගුනු          කඳු

බළ-ඇණි-ගොඩ හුයට ඇමිනුනු පබළු  බිඳු

(2018 ඔක්තෝබර්)

තියුනු-උණු-කරුණු

අහසේ ගුගුරණා මොණරුන් දකින  විට

ඉගිල යන්න හිතෙනව මට උපන්  ගෙට

සතා - සීපාවා - ගහකොළ - මල් දෙවැට

මතකෙට එනව දෙතනගලේ නිල්   පාට

රුක්අත්තනේ පය පාමුල   සිසිළෙන්ද

ගුම්නඳ එතැන සහ සීතල     සුළඟින්ද

දන්නා කියන ලේනුන් සහ     ගිරවුන්ද

මයෙ රත්තරනෙ උඹලට මා මතකයිද?



(2018 සැප්තැම්බර්)

මේ මිණි යරපිනි, ගතයුතු කරපිනි!

කන්නෙත් අරව නම් පිණි හිඳගෙන     රහට

බොන්නෙත් හදල නම් අරවා ලා      වෙන්ට

ඉන්නෙත් බඩඋලන් ඇණයක් වී       හැමට

මොකටද ඉපදිලා යරපිනි         ලෝකෙකට

(2018 සැප්තැම්බර්)

නිවනට පාර

පළමු කොටස: හද්දා පිටිසර සිට ටවුමෙ මල් කඩය දක්වා

බැහැලා දණහිසක් හිරිකිත වැව්       මඩට

ගිලිලා කරවටක් මඩගඳ බොර           දියට

පිපෙන්නත් කලින් සුරිය               රස්නයට

ගිහිං නෙලනවා කැකුළියෝ       අත්දෙකට

පිපුණා නොපිපුනා නෑ වෙනසක්       උන්ට

පෙනුමට තිබුනොතින් ඇති උන්ගේ රහට

දෙවන කොටස: මල් කඩේ 'මාකටිං'

මහත්තය එන්න - මාත්තෙය එන්න

ගොඩතරේ පිපුණ - මලක් අරගන්න

අලුත් මල් මෙන්න - බොරු නෑනෙ ඔන්න

ඒ නැතත් අන්න - ටවුමෙන් බලන්න

නිල්පාට එව්ව - මානෙල්ය අතන

සුදුපාට මෙව්වා - ඕලු මල් මෙතන

සයිස්එක හැඩය - පාට සහ පුසුඹ

කියල අරගන්න - ඇඹරෙන්නේ ඇයිද?

මෙහෙනැතත් දැන්ම - ගෙනත් හරි දෙන්න

ඕඩරේ ගන්න -  නොම්බරේ දෙන්න

ළපටි ලා මල්ය - මේ ලඟදි කැඩුව

රෝග නැති මෙව්වා - ක්ලීන් ටිං ටිං ය

ඉඹලම බලන්න - අරගෙනම යන්න     

මාත්තයො ඔන්න - කලියෙන්ම යන්න

පරිස්සං වෙන්න -  තිර පැකට් ගන්න

අතගගා ඉන්න - ඔට්ටු නෑ ඔන්න!
ලාබෙටම බෑනෙ - නිවන් දැකගන්න!

(2018 සැප්තැම්බර්)

කළින් වැඩි බඹරු!

සුළං හැමුවට - සුවඳ අරගෙන

ඔහේ වැනුනට - රුවට පැහැයට

ඉතිං බඹරුනි! - තොපි කලින් වැඩි

මල් පොහොට්ටුව - තව පිපී නැති...

(2018 අගෝස්තු)

නූතන ‘චේ’ ලා ...

(‘නිව්ටන්’ ගේ දැනගැනීම පිණිසයි.)

තට්ටුවෙ ලැගගෙන

ලොරිය තල්ලුකර

ගමන වෙනස්කල

විරුවන් වෙමු අපි..

එහෙව් අපට අද

මේ සිස්ටම් එක

වෙනස්කරන එක

රටකජු වගෙ බොල..!

(2018 අගෝස්තු)